سلام عليكم ورحمة الله وبركاته
انا لله و انا إليه راجعون
مفکرِ اسلام، مجسمہ امتزاجِ علم و عمل، عالی جناب سید محمد مثنیٰ اعلیٰ اللہ مقامہ، ملاءِ اعلیٰ کی جانب پرواز فرما گئے ہیں۔
ان کا سایہ خاندان کے تمام افراد کے لیے قوت، ہدایت، محبت اور الفت کا سبب تھا، اور اب مزید افادیت و قدرت کا حامل ہو گیا ہے۔
الحمد للہ، انہوں نے ایک نہایت کامیاب، باوقار اور بلند مرتبہ زندگی گزاری، اور اب اپنی نئی زندگی کے بلند ترین مراتب کی جانب پرواز فرما گئے ہیں۔
ان کی رحلت ہم سب کے لیے، اور خاندان کے تمام افراد کے لیے، ایک بہت بڑے خلاء کا سبب ضرور بنی ہے، لیکن ان کے مراتب کی بلندی اور ان کی نصیحتیں ہم سب کے لیے مشعلِ راہ ہیں۔
ہم اس موقع پر ان کے لیے، اور ان کے تمام اعزہ — خاص طور سے ان کے برادرِ عزیز سید علی امام صاحب مدظلہ، ان کی اہلیہ بیگم حسن مثنیٰ مدظلہما، بیٹوں، بیٹیوں، بہوؤں، دامادوں، پوتے پوتیوں، نواسے نواسیوں، پڑپوتے پڑپوتیوں، پڑنواسے پڑنواسیوں، تمام اعزہ و اقارب اور دوستوں — کی خدمت میں تسلی، تقویت، اور صبر و شکرِ الٰہی کی دعا کرتے ہیں۔
اللہ عزوجل ان کے درجات کو لمحہ بہ لمحہ بلند فرماتا رہے، اور ہم سب کو دین و دنیا میں ان کی تمناؤں اور ہدایات کے مطابق بہتر بلندیوں، اور آپس میں محبت و الفت کے ساتھ زندگی بسر کرنے کی بہترین توفیقات عطا فرماتا رہے۔
اللہ تعالیٰ ان کو جوارِ انبیاء و رسل، حضرتِ رحمة للعالمین ﷺ، اور اہلِ بیتِ اطہار علیہم السلام کے حضور بلند سے بلند مقامات پر فائز فرمائے، نیز اس دنیا سے ہمارے ساتھ ان کا روحانی رابطہ مزید مضبوط فرماتا رہے۔
آمین یا رب العالمین، الرحمن الرحیم، برحمتک الواسعۃ، و بحق محمد و آل محمد الطیبین الطاہرین علیہم الصلوٰۃ والسلام۔
العبد للہ العزيز الرحمن الرحيم
سید حسین مرتضیٰ
22ذی القعدہ 1447 ہجری
11 مئی 2026 عیسوی
Leave a Reply